Сұрақ-жауап

  • Сұрақ №: 48555
    Дата: 25.03.2019 10:31:52
    Аты-жөні: Шенгелбаева Алия
    Сұрақ:
    Cәлеметсіз бе? Менің Алматы облысы, Сарқан ауданы, Екіаша ауылында тұратын, Қырымжан жеке шаруа қожалығында өз малын бағып, күнін көріп жүрген 61 жасар Шенгелбаев Абылкасым Бикасымович есімді ағамды көрші шаруа қожалығының иесі Нусупов пен оның 1992 жылы туылған Нусупов Бақытжан есімді баласы екеуі сабап, ағамның ішкі, сыртқы дене мүшелеріне зақым келтірген: өкпесін тесіп, қабырғасын сындырған, жамбасын сындырған. Ен далада ұрып, талдырып тастап кеткен. Бұл оқиға 22 наурыз күні болған. Содан бері ағам ауруханада жатыр. Қылмыскерлердің бір туысқаны келіп кешірім сұрамақ түгілі, хал үстіндегі ағамның жағдайын білмеген де. Әкесінен үлкен адамды соққыға жыққан тәрбиесіз әкелі-балалы неге әлі күнге бостандықта жүр? Ағамның денсаулығын 100 пайыз қалпына келтіріп, барлық шығынын өтеп, қылмыскер екеудің жазаларын тартуын сұраймын.
    Жауап күні:
    27 наурыз, 2019 - 19:03
    Жауап:
    А.Б. Шенгелбаевқа ---------------------------------- ҚР Бас Прокурорының блогы Облыс прокуратурасымен сіздің 26.03.2019 жылғы шағымыңыз (тіркеу №01-04000-19-00009) қарау үшін Сарқан ауданының прокуратурасына жолданғанын хабарлаймыз. Қаралу нәтижесі бойынша сіз аталған прокуратурамен хабараланатын боласыз.
  • Сұрақ №: 48391
    Дата: 01.03.2019 11:30:51
    Аты-жөні: Хусайнов Айдын
    Сұрақ:
    Құрметті Азамат Сембайұлы! Еліміздегі кәсіпкерлікті дамыту Ел басымыз Нұрсұлтан Әбішұлының тарапынан үлкен қолдауында және бақылауында. Кәсіпкерлерді бүгінгі күні жұмыстары алға бассын деп түрлі тексерулердің түрлерін азайтқан. Мен құрылыс маманы ретінде құрылспен айналыссам деген ойым бар еді. Қандайда бір саланың жұмысын тексеретін (қадағалау) құзретті орган бар, атап айтқанда (СЭС, өртсөндіру қызметі, экономикалық тергеу қызметі, сыбайлас жемқорлыққа қарсы қызметі, прокуратура, еңбек инспекциясы т.б). Мысалы ретінде құрылыс саласын алатын болсақ, прокуратура тарапынан құрылысқа тапсырыс беруші ретінде мемлекеттік органға «мониторинг» немесе «талдау» жүргізу деген хатты жолдау арқылы, құрылыс жүргізіліп жатқан немесе құрылысы аяқталып пайдалануға берілген нысанды орнына шығып, құрылысшы деген мамандығы бар жеке тұлғамен бірге нысанға барып сырттай атқарылған жұмыс көлемін анықтап, өлшеу, санау жұмыстарын жүргізуі мүмкін. Содан соң, тапсырыс берушіден жобалық сметалық құжаттаманы алдырып, салыстыра отырып шамалап атқарылмаған жұмыстарды анықтайды. Менің білуімше қолданыстағы Заңдарға сәйкес атқарылмаған жұмыс көлемін, келтірілген шығынды сот сарапшылары жүргізетін сияқты. Менің Сізге құрылысшы ретінде қояйын деген сұрағым келесідей: «мониторинг» немесе «талдау» жүргізу деген түсінктерді қолданып, қандайда бір мемлекеттік органға (субъектіге, объектіге, оның ішінде мердігер ұйымға, техникалық, авторлық қадағалаушыларға) нысан орнына шығу арқылы тексеру жүргізуге және кемшіліктерді анықтауға болама? Бұл қаншалықты Заңды және қай ҚР Заңына сәйкес екендігін түсіндіріп бересіз бе? Алдын-ала үлкен рахмет, еңбектеріңіз жемісті болсын!
    Жауап күні:
    14 наурыз, 2019 - 17:52
    Жауап:
    А.Е. Хусаиновқа (Бас Прокурордың жеке блогына) Құрметті Айдын Есболсынұлы! Қазақстан Республикасының Кәсіпкерлік Кодексінің (бұдан әрі - Кодекс) 129-бабы 3-тармағының 1, 2, 3 және 4-тармақшаларына сай бақылау және қадағалау органдары жүзеге асыратын тексерулердi жүргiзу, бақылау және қадағалау органдарының тексерулер жүргiзу кезiндегi өзара iс-қимылының тәртiбi, тексерiлетiн субъектiлердiң бақылау және қадағалау жүргiзу кезiндегi құқықтары мен мiндеттерi, олардың құқықтары мен заңды мүдделерiн қорғау жөнiндегi шаралар, бақылау және қадағалау органдары мен олардың лауазымды адамдарының тексерулер жүргiзу кезiндегi құқықтары мен мiндеттерi осы Кодекспен белгiленедi. Кодекстің 129-бабы 5-тармағының 1-тармақшасы бойынша 13-тараудың (Мемлекеттік бақылау және қадағалау) күші прокуратура жүзеге асыратын жоғары қадағалау қатынастарға қолданылмайды. Сонымен бірге, Қазақстан Республикасы Бас Прокурорының 02.05.2018 жылғы №60 бұйрығымен бекітілген (2-ші қосымша) «Заңдылықтың жай-күйіне талдау жүргізу және Үкіметтің, өзге де мемлекеттік, жергілікті өкілді және атқарушы органдардың, өзін-өзі басқару органдарының және олардың лауазымды адамдарының, сондай-ақ өзге де ұйымдардың актілері мен шешімдерінің бағалау» Қағидаларының (бұдан әрі - Қағидалар) 8-тармағы бойынша қажет болған кезде прокурор мемлекеттік, жергілікті өкілетті және атқарушы органдардан, жергілікті өзін-өзі басқару органдарынан және квазимемлекеттік сектор субъектілерінен мониторингілеу және талдау үшін қажет заңдылықтың жай-күйі және оны қамтамасыз ету бойынша қабылданатын шаралар туралы мәліметтерді, құжаттарды және материалдарды талап етеді. Ал, Қағидалардың 10-тармағына сәйкес талдау жүргізу кезінде қажет болған жағдайда Қазақстан Республикасы заңнамасымен белгіленген талаптарды сақтаумен фото және бейне бекітуді қолдана отырып, кіру үшін ашық орындарда (қоғамдық пайдаланудағы орындарда немесе ашық жерлерде) орналасқан объектілерді (субъектілерді) қарап тексеру жүргізіледі. Жоғарыда көрсетілгендерді қорыта келе прокуратура органдары заңдылықтың жай-күйіне талдау жүргізу кезінде жергілікті атқарушы органдардан қажет болған жағдайда құрылыс нысандары бойынша мәліметтерді, құжаттарды және материалдарды талап етуге және кіру үшін ашық орындарында (қоғамдық пайдаланудағы орындарда немесе ашық жерлерде) орналасқан объектілерді (субъектілерді) қарап тексеру жүргізуге құқылы екенін хабарлаймын.
  • Сұрақ №: 47664
    Дата: 21.12.2018 20:13:48
    Аты-жөні: Өмірбеков Сәрсенбек
    Сұрақ:
    Қазақстан Республикасының Заңы бойынша Қазақ тілі мемлекеттік тіл болып табылмай ма?Сондықтан азаматтардың құқық қорғау органдарына жазған арыздарына(қазақ тілінде) қылмыстық іс қозғалғаннан кейін оған берілетін жауап немесе қаулы міндетті түрде қазақ тілінде берілуі тиіс шығар.Әлде менің ойым қате ма? Менің осы сұрағыма жауап берсеңіздер,сіздерге дін риза болар едім.
    Жауап күні:
    28 желтоқсан, 2018 - 18:53
    Жауап:
    С.С.Өмірбековке Блог 114311 Құрметті Сәрсенбек Сұлтанбекұлы ! Қазақстан Республикасы Конституциясының 7-бабына сәйкес Қазақстан Республикасындағы мемлекеттік тіл - қазақ тілі. Мемлекеттік ұйымдарда және жергілікті өзін-өзі басқару органдарында орыс тілі ресми түрде қазақ тілімен тең қолданылады. Сонымен қатар, әркімнің ана тілі мен төл мәдениетін пайдалануға, қарым-қатынас, тәрбие, оқу және шығармашылық тілін еркін таңдап алуға құқығы бар деп Конституцияның 19-бабында көрсетілген. Қазақстан Республикасы Қылмыстық-процестік кодексінің (бұдан әрі - Кодекс) 30-бабы бойынша Қазақстан Республикасында қылмыстық сот iсiн жүргiзу қазақ тілінде жүргiзiледi, сот ісін жүргізуде қазақ тілімен қатар ресми түрде орыс тілі, ал қажет болған кезде басқа тiлдер де қолданылады. Қылмыстық процесті жүргізетін орган істі орыс тілінде немесе басқа тілдерде жүргізу қажет болған кезде сот ісін жүргізу тілін өзгерту туралы уәжді қаулы шығарады. Iс бойынша iс жүргiзiлетін тiлдi бiлмейтiн немесе жеткiлiктi түрде бiлмейтiн iске қатысатын адамдарға ана тiлiнде немесе өздері бiлетiн басқа тiлде мәлімдеме жасау, түсiнiктемелер және айғақтар беру, өтiнiшхаттар мәлімдеу, шағымдар келтіру, iс материалдарымен танысу, сотта сөз сөйлеу, осы Кодексте белгiленген тәртiппен аудармашының қызметтерiн тегiн пайдалану құқығы түсiндiрiледi және қамтамасыз етiледi. Қылмыстық сот iсiн жүргiзуге қатысатын адамдарға істің олар үшiн қажеттi, басқа тiлде жазылған материалдарын қылмыстық сот iсiн жүргiзу тiлiне аудару тегiн қамтамасыз етiледi. Сот процесiне қатысатын адамдарға сотта айтылғандардың басқа тiлде болған бөлiгiнiң сот iсiн жүргiзу тiлiне аудармасы өтеусіз қамтамасыз етiледi. Қылмыстық процесті жүргiзетін органдар процеске қатысушыларға осы Кодекске сәйкес оларға сот iсiн жүргiзу тiлiнде табыс етілуге тиiс құжаттарды табыс етеді. Бұл ретте қылмыстық сот iсiн жүргiзу тiлiн бiлмейтiн адамдар үшiн құжаттардың сот iсiн жүргiзудiң осы адамдар таңдаған тiлiнде жазылған, куәландырылған көшiрмесi қоса беріледi. Сондықтан қылмыстық сот iсiн жүргiзу барысында ешкiмдi де тiлiне байланысты немесе кез келген өзге де мән-жайлар бойынша қандай да бір кемсiтушiлiкке ұшыратуға болмайды. Сәрсенбек Сұлтанұлы, мемлекеттік тілдің мәртебесін көтеру туралы белсенді азаматтық көзқарасыңызға алғысымыз мол!
  • Сұрақ №: 47583
    Дата: 13.12.2018 12:49:28
    Аты-жөні: Cартбаев Берик
    Сұрақ:
    Мен Сартбаев Берик Бакирович Алматы қаласы Алмалы ауданының №2 сотының шешімі бойынша Алимент төлеймін айлығымның 50/% қиылды өзім мұғалім болып жұмыс жасаймын жеке сот орындаушы Аубакиров Акан Джакыббекович 87714572999 шақырды бардым алиментті айлығымнан төлеймін деп түсініктеме жазып кеттім, менің каспий банктегі сауда жасауға ашқан каспий голд карточкамды тыйым салыпты онда ақша жоқ мен карточкамен киім, алам камұналды қызметтерді төлейтінмін осы іс-әрекетін қалай күшін жойдырсам болады
    Жауап күні:
    20 желтоқсан, 2018 - 17:40
    Жауап:
    Б.Б.Сартбаевқа (ҚР БП блогі) Құрметті арызданушы! Сіздің, Қазақстан Республикасының Бас Прокурорының блогынан түскен шағымыңыз негізінен қаралуы үшін Алматы облысының Әділет департаментіне жолданғанын хабарлаймыз. Қарау нәтижесі туралы аталған Департаментпен хабардар боласыз. Сонымен қатар, осы жауаппен келіспеген жағдайда жоғары тұрған прокуратураға немесе сотқа жүгіну құқығыңыз бар екенін түсіндіремін.
  • Сұрақ №: 47385
    Дата: 22.11.2018 13:07:14
    Аты-жөні: Исаев Жандаулет
    Сұрақ:
    Сәлеметсіздер ме.07.11.18ж күні мен ЖК Асыл Арман полиция учакесіне алаяқтық бойынша жүгіндім.Талон хабарлама №18195203500. Арызда: Ахметов Данияр Ерланович 03.02.1988ж. туылған азамат келысым бойынша 3.10.18ж. қылтима(балкон) жасап беремын деп екі жүз қырық мың теңге (240 000тг) алып,14.10.18ж. бастаймын деп уәде беріп, осы уақытқа дейін түрлі сылтаулармен ешқандай жумыс та жасалмады және ақша да қайтарылмады. Негізі жоғарыда аталған азаматтың үстінен полиция қызметкерінен алынған ақпарат бойынша төрт адам арыз беріп, қылмытық іс тергеуде жатқанын айтқан болатын. Сол жағдайды ескере отрып, ПБ ЖПҚ УПИ полиция капитаны Шалбаев Е.М. № 18 - 17080 санымен тіркелеген хабарламада қылмыс құрамы жоқ деп көрсетті. Неліктен, менің жағдайымдағы адамдардың арыздарында қылмыс құрамы бар екендігі анықталып, ал меның жағдайымда жоқ деп хабарланды. Сіздерден істі қайта қарауларыңызды сураймын.
    Жауап күні:
    28 қараша, 2018 - 18:00
    Жауап:
    Ж.Ж.Исаевқа Құрметті Жандаулет Жангелдиевич! Сіздің Д.Е. Ахметовтың 240 000 теңгеңізді қайтармай жүргені туралы жазған арызыңыз бойынша аудандық полиция Басқармасымен тиісті шара қолданылмай жатқаны туралы жазған арызыңыз аудан прокуратурасымен қаралды. 07.11.2018 жылы аталған дерек Қарасай аудандық ішкі істер Басқармасының қылмыс туралы арыздар мен хабарламаларды тіркеу жүйесінің №181952030017080 саны болып тіркеуге алынған. 08.11.2018 жылы Қарасай аудандық жергілікті полиция басқармасының инспекторы Е.Шалбаевпен жүргізілген тексеру амалдарының қорытындысы бойынша жоғарыда аталған дерекпен қылмыс құрамы жоқ екені анықталып, расталмаған құжаттар қатарына кіргізілген. Инспектордың қабылдаған шешімі заң талаптарына сәйкес қабылданғандықтан прокурорлық ықпал ету шараларын қолдануға негіз жоқ екенін түсіндіреміз. Сонымен қатар, Қазақстан Республикасының азаматтық кодексінің 9 бабының талаптарына сәйкес Сіз Д.Е. Ахметовтен ақшаңызды азаматтық түрде сотқа жүгіну арқылы өндіруге болатынын түсіндіремін. Қарасай ауданы прокурорының міндетін атқарушы кіші әділет кеңесшісі Д. Досмуханбетов орындаған. М.Аманов телефон. 87272983677

Беттер